
M+博物館
M+ 位於西九文化區,係專注 20 及 21 世紀視覺文化嘅博物館,展覽範疇包括視覺藝術、設計及建築同流動影像。展廳大、樓底高,就算推 BB 車入去都夠位,帶小朋友去睇吓有趣嘅設計展同藝術裝置,可以當係一次輕鬆嘅美學啟蒙;行完展覽仲可以出去西九海濱長廊同藝術公園放電。 開放時間係星期二至四及週末 10:00–18:00,星期五延長至 22:00,逢星期一休館(公眾假期照常開放,個別日子有特別安排,出發前可以先睇官網);最後入場時間係閉館前 30 分鐘。M+ 採用單一票價入場,一張門票可以睇所有展覽,6 歲或以下兒童毋須購票,7 至 11 歲兒童及全日制學生有特惠門票。







